UNGGAH UNGGUH BASA

UNGGAH UNGGUH BASA

Basa krama dienggo wawan rembug antarane wong enom marang wong sing luwih tuwa/luwih diajeni.

Basa ngoko lan krama kang kerep dienggo ing padinan iki setitekna!

                                              

No	Ngoko	Krama/Krama Inggil
1	Adus	Siram
2	Lunga	Tindak
3	Turu	Sare
4	Mangan	Dhahar
5	Ngombe	Ngunjuk
6	Nyambut gawe	Nyambut damel
7	Tuku	Mundhut
8	Ndelok	Mirsani
9	Thukul	Tuwuh
10	Mlaku	Mlampah/tindak

UNDHA USUKING BASA

UNDHA USUKING BASA

Undha Usuking Basa

Ngoko                                                             Krama

                                                                          

            Ngoko lugu                 Ngoko alus                  Krama lugu                 Krama alus

I.                   Ngoko

Kang diarani basa ngoko iku wujud unggah-ungguhing basa jawa kang nggunakake tembung-tembung ngoko. Ater-ater lan panambang kang digunakake uga ngoko.

Tuladha : di-, -e, lan -ake.

Basa ngoko kaperang dadi loro yaiku :

a.      Ngoko Lugu

Wujud unggah-ungguhing basa jawa kabeh basane ngoko.

Tuladha :

1.      Aku lagi nyirami tanduran.

2.      Kowe mangan lawuhe apa?

b.      Ngoko Alus

Wujud unggah-ungguhing basa kang nggunakake basa jawa ngoko uga basa  krama.

Tuladha :

1.      Bapak mau apa wis dhahar?

2.      Panjenengan tindak mrene nitih apa?

II.                Krama

Kang diarani basa krama iku wujud unggah-ungguhing basa jawa kang nggunakake tembung-tembung krama. Ater-ater lan panambange uga krama.

Tuladhane : ipun-, ipun-, -aken.

Basa krama kaperang dadi loro yaiku :

a.      Krama Lugu

Wujud unggah ungguh basa kang nggunakake tembung-tembung krama madya.

Tuladha :

1.      Sampeyan napa mpun nedha, Yu?

2.      Lik, rujake niku mang beta ngriki!

b.      Krama Alus

Wujud unggah-ungguh basa kang kabeh tembunge nggunakake basa krama lan krama inggil.

Tuladha :

1.      Bu, menawi kepareng kula badhe ngampil kagunganipun songsong.

2.      Menawi sampun luwe, mangga katuran dhahar rumiyen.

TEMBUNG RANGKEP

TEMBUNG RANGKEP

Jinising tembung rangkep antarane :

A.    Tembung Rangkep Dwilingga

1.      Dwilingga padha swara ; amarga linggane diucapake kaping pindho.

Tuladha :

a.       Kapur-kapur kuwi jupukna.

b.      Buku-bukune ditata Uliya.

2.      Dwilingga salin swara ; dwilingga kang swarane malih/wis ganti.

Tuladha :

a.       Awit mau bocah kuwi wira-wiri wae.

b.      Lungguha kene, aja mloka-mlaku.

3.      Dwilingga semu ; uga diarani dwilingga murni amarga tembung kuwi ora ana linggane.

Tuladha :

a.       Wingi sore ali-ali daktemu ana kalen.

b.      Ibu mundhut ondhe-ondhe ana pasar.

B.     Tembung Rangkep Dwipurwa

Yaiku tembung rangkep kang perangane ana ing ngarep.

Tuladha :

Sapa tetuwane kampung kene?

C.    Tembung Rangkep Dwiwasana

Yaiku tembung rangkep kang perangane ana mburi.

Tuladha :      

Bocah kuwi dikandhani aja rame malah pating cekikik.

Tegese Tembung Rangkep

Tegesa tembung Rangkep ing antarane :

1.      Kabeh/akeh

Tuladha : Siswa kelas VII C pinter-pinter.

2.      Sanadyan

Tuladha : Ala-ala ngene dhisik aku tau dadi lurah lho!

3.      Tansah

Tuladha : Aja wira-wiri bae ngrembug perkara wigati.

4.      Nganggo

Tuladha : Kekudhung kukusan ora ilok.

5.      Sing dianggep

Tuladha : Bapakku dadi sesepuh ing desa Margasari.