RURA
BASA
Rura tegese rusak utawa salah. Rura
basa tegese basa kang salah nanging lumrah dienggo ing bebrayan masyarakat.
Tuladha
:
v Lik
Ruminah mbunteli tempe ing pawon.
v Parjan
menek klapa ngarep omah.
v Pak
Maskup ndhuduk sumur ing mburi omah.
Tembung mbunteli
tempe, menek klapa lan ndhuduk sumur mau kalebu tuladhane tembung rura
basa. Sing mesthi ora ana wong kang
mbunteli tempe, menek klapa, apa dene ndhuduk sumur. Tempe iku barang kang
wis dadi, mula ora usah dibunteli. Sejatine kang bener mbunteli dhele sing wis
mateng lan diragi supaya dadi tempe. Semono uga ora ana wong kang bisa menek
klapa. Sing mesthi menek glugu utawa wit klapa. Tumrap ndhudhuk sumur iku sing
bener ndhudhuk lemah digawe sumur.
Nanging basa
kang mangkono iku wis lumrah dienggo ing bebrayan. Yen dibenerake malah katone
ora lumrah. Kang lumrah dienggo ya, mbunteli tempe, menek klapa lan ndhudhuk
sumur. Tembung-tembung kang salah nanging wis kaprah utawa lumrah dienggo ing
bebrayan kaya tuladha ing dhuwur mau diarani rura basa.
Tidak ada komentar:
Posting Komentar